Anuradha Vipat
लसणाची चटणी जेवणाची चव दुप्पट करते. पण बऱ्याचदा काही दिवसांतच तिचा रंग बदलतो किंवा ती खराब होते.
जर तुम्हाला लसणाची चटणी वर्षभर अगदी बाजारात मिळते तशी लालभडक आणि फ्रेश टिकवून ठेवायची असेल, तर खालील सोपे उपाय नक्की फॉलो करा.
चटणी बनवण्यापूर्वी लसणाच्या पाकळ्या पॅनमध्ये थोड्या तेलावर मंद आचेवर हलक्या भाजून घ्या, जेणेकरून त्यातील पाण्याचा अंश पूर्णपणे निघून जाईल.
वर्षभर टिकणाऱ्या सुक्या किंवा ओल्या चटणीमध्ये पाण्याचा एक थेंबही लागता कामा नये.
चटणी नेहमी काचेच्या किंवा चिनी मातीच्या स्वच्छ, कोरड्या एअर-टाईट बरणीत भरा.
बरणीत चटणी भरल्यावर वरून थोडे गरम करून कोमट केलेले तेल सोडा.
चटणी वाटण्यासाठी पाण्याऐवजी तेलाचा वापर करा. तेल हे नैसर्गिक प्रिजर्व्हेटिव्ह म्हणून काम करते.