Mahesh Gaikwad
सोलापूर जिल्ह्याची ज्वारीचे कोठार अशी ओळख आहे. त्यामुळे इथं मोठ्या प्रमाणात हुरडा पार्ट्या रंगतात.
हुरडा पार्ट्यांमुळे येथील शेतकऱ्यांनाही उत्पन्नाचा अतिरिक्त स्त्रोत मिळाला आहे. हुरडा पार्ट्यांमुळे शेतकऱ्यांची चांगली कमाई होत आहे.
नोव्हेंबरच्या मध्यात सुरू झालेला हुरडा हंगाम सध्या अंतिम टप्प्यात आला आहे. अनेक शेतांमध्ये हुरड्याच्या भट्ट्या, ज्वारीची कोवळी कणसं आणि तयार झालेला हुरडा दिसत आहे.
मंगळवेढा, मोहोळ, बार्शी, उत्तर सोलापूर, दक्षिण सोलापूर आणि अक्कलकोट या तालुक्यांत हुरड्याचे सर्वाधिक उत्पादन घेतले जाते. यासाठी केव्हिकेचे योग्य मार्गदर्शन मिळते.
पुणे, मुंबई, नाशिक, कोल्हापूर, सातारा, सांगली अशा शहरांमधून खास हुरडा पार्टीसाठी सोलापूर जिल्ह्यात येणाऱ्या ग्राहकांची संख्या मोठी असते.
खास हुरडा पार्ट्यांसाठी सुमारे १५ कृषी पर्यटन केंद्रे सुरू झाली आहेत. या प्रत्येत केंद्रांवर दिवसाला १०० ते १५० ग्राहक हुरड्याचा आनंद घेताना दिसतात.