Mahesh Gaikwad
अमरावती जिल्ह्यातील चांदूर बाजार येथे भरणारा जनावरांचा बाजार हा जातिवंत बैल, गायी आणि म्हशींच्या खरेदीसाठी सर्वदूर प्रसिद्ध आहे.
मध्य प्रदेशच्या भैसदेही जिल्ह्याच्या सीमा या तालुक्‍याशी जुळलेल्या आहेत. त्यामुळे या भागातील प्रसिद्ध पहाडी बैल देखील बाजारात खेरदी-विक्रीसाठी येतात.
दर रविवारी भरणाऱ्या या बाजाराची वार्षिक उलाढाल क्षमता १६० ते १८७ कोटींच्या आसपास पोहोचली आहे.
चांदूरबाजार बाजार समितीची स्थापना २३ मे १९७४ मध्ये झाली. त्यानंतर काही वर्षांतच जनावरांचा बाजार भरविण्यास सुरुवात झाली.
या बाजारात मराठवाड्यातील लाल कंधारीसह अन्य जाती, जर्सी, काठियावाडी, एचएफ, मुऱ्हा, गुजर यासह अन्य गावरान गायी- म्हशींच्या जातींही खरेदी-विक्रीसाठी येतात.
दुधाळ जनावरांबरोबर शेळ्या-मेंढ्यांनाही बाजारात मागणी राहते. हंगामनिहाय शेळ्या-मेंढ्यांच्या विक्रीचे प्रमाण २५० ते ४०० याप्रमाणे आहे.
बाजारस्थळी जनावरे बांधण्यासाठी लोखंडी रेलिंग, बाजारात फिरण्यासाठी अंतर्गत सिमेंट रस्ते, जनावरांना चढण्या-उतरण्यासाठी 'रॅम्प' अशा सुविधा बाजार समितीकडून देण्यात आल्या आहेत.
गावरान तसेच मध्यप्रदेशात मिळणाऱ्या जातिवंत नागोर बैलांची उलाढाल चांदूर बाजारात मोठ्या प्रमाणात होते. शेतकऱ्यांची मागणी असल्याने छिंदवाडा (बरघाट) तसेच भंडारा भागातील गावरान, नागोर जातीचे बैलही खरेदीसाठी येथे उपलब्ध असतात.