Anuradha Vipat
ऊन्हाचे चटके, धूळ, प्रदूषण किंवा पोषणाच्या कमतरतेमुळे चेहरा निस्तेज आणि काळा पडतो.
महागड्या केमिकल क्रीम्सऐवजी स्वयंपाकघरातील खालील सोप्या उपायांचा नियमित वापर केल्यास त्वचेचा नैसर्गिक रंग आणि तजेला परत येण्यास मदत होते.
२ चमचे बेसन, चिमूटभर हळद आणि १ ते २ चमचे घट्ट दही एकत्र करून पेस्ट बनवा. चेहऱ्यावर लावून १५ मिनिटांनी हलक्या हाताने स्क्रब करत धुवा.
कच्चा बटाटा किसून त्याचा रस काढा. कापसाच्या मदतीने हा रस चेहऱ्यावर लावा आणि १५ ते २० मिनिटांनी साध्या पाण्याने धुवा.
टोमॅटो कापून त्यावर थोडी बारीक साखर टाका आणि चेहऱ्यावर २ ते ३ मिनिटे हलक्या हाताने चोळा. १० मिनिटांनंतर चेहरा धुवा.
रात्री झोपण्यापूर्वी ताज्या कोरफडीचा गर आणि काही थेंब गुलाबपाणी एकत्र करून चेहऱ्यावर लावा आणि रात्रभर तसेच राहू द्या.
पिकलेल्या पपईचे २-३ तुकडे कुस्करून त्यात १ चमचा मध मिसळा. चेहऱ्यावर २० मिनिटे लावून कोमट पाण्याने धुवा.