Anuradha Vipat
दररोज ३ अंडी खाल्ल्याने शरीराला सुमारे १८ ते २० ग्रॅम उच्च-गुणवत्तेचे प्रथिने, आवश्यक जीवनसत्त्वे आणि खनिजे मिळतात.
जर तुम्ही दररोज ३ संपूर्ण अंडी तुमच्या आहारात समाविष्ट केली, तर शरीरात खालील महत्त्वाचे सकारात्मक बदल दिसून येतात.
अंड्यामध्ये शरीरासाठी आवश्यक असलेले सर्व ९ 'इसेन्शियल अमिनो अॅसिड्स'असतात ज्यामुळे दिवसभर उत्साह आणि ऊर्जा टिकून राहते.
सकाळच्या नाश्त्यात ३ अंडी खाल्ल्यास भूक नियंत्रित करणारे हार्मोन्स सक्रिय होतात. यामुळे लवकर भूक लागत नाही आणि अनावश्यक खाणे टळल्यामुळे वजन कमी करण्यास किंवा नियंत्रित ठेवण्यास मदत होते.
अंड्याच्या पिवळ्या बलकात 'कोलीन' हे अत्यंत महत्त्वाचे पोषक तत्त्व असते, जे मेंदूच्या पेशींच्या निर्मितीसाठी, एकाग्रतेसाठी आणि स्मरणशक्ती सुधारण्यासाठी गरजेचे असते.
अंड्यामध्ये 'ल्युटीन' आणि 'झेक्सॅन्थिन'हे अँटीऑक्सिडंट्स असतात, जे डोळ्यांच्या रेटिनाचे संरक्षण करतात आणि वाढत्या वयानुसार होणारे मोतीबिंदूचे धोके कमी करतात.
अंड्यातील व्हिटॅमिन डी आणि फॉस्फरस शरीरात कॅल्शियम शोषून घेण्यास मदत करतात, ज्यामुळे हाडे आणि दात मजबूत राहतात.