Anuradha Vipat
घाईघाईच्या वेळी किंवा ऑफिसला जाताना साडी नेसणे हे मोठे आव्हान वाटते.
काही सोप्या ट्रिक्स वापरल्यास तुम्ही फक्त ५ मिनिटांत अत्यंत नेटकी आणि सुंदर साडी नेसू शकता.
साडी नेसण्याआधीच डाव्या खांद्यावर येणाऱ्या पदराच्या अंदाजाने ५ ते ६ निऱ्या आधीच हाताने व्यवस्थित करून घ्या आणि त्यांना एका सेफ्टी पिनने एकत्र लॉक करा.
पेटीकोटऐवजी सध्या मिळणारे स्ट्रेचेबल साडी शेपवेअर वापरा. हे घालण्यास अतिशय सोपे असते, याला नाडी नसते आणि यामुळे साडी कंबरेभोवती चपखल बसून तुम्ही स्लिम दिसता.
कंबरेच्या निऱ्या घालताना तुमच्या हाताचा अंगठा आणि करंगळीचा वापर करून 'कात्री' सारखा आकार बनवा. यामुळे ५ ते ६ मोठ्या निऱ्या झटपट तयार होतात.
समोरच्या सर्व निऱ्या तयार झाल्यावर, त्यांचे वरचे टोक एकत्र पकडा आणि हलकेच झटकून घ्या. यामुळे सर्व निऱ्या खालपर्यंत सरळ होतात.
साडी कंबरेला एक वेढा मारून खोचली की लगेचच, समोरच्या निऱ्या घालण्यापूर्वी, पदर पाठीमागून फिरवून डाव्या खांद्यावर आणून त्याची लांबी ठरवून घ्या.