Anuradha Vipat
जेव्हा शरीरात पुरेशा प्रमाणात निरोगी लाल रक्तपेशी किंवा हिमोग्लोबिन नसते, तेव्हा शरीराच्या विविध अवयवांपर्यंत ऑक्सिजन नीट पोहोचत नाही.
पुरेशी झोप घेऊनही दिवसभर थकल्यासारखे वाटणे आणि दैनंदिन कामे करताना उत्साह न राहणे हे सर्वात पहिले लक्षण आहे.
जिने चढताना, थोडे वेगाने चालताना किंवा किरकोळ काम करतानाही श्वास फुगणे किंवा दम लागणे.
चेहरा, तळहात आणि ओठांवरचा नैसर्गिक गुलाबीपणा कमी होऊन त्वचा निस्तेज किंवा पांढरट दिसू लागते.
मेंदूला ऑक्सिजनचा पुरवठा कमी झाल्यामुळे वारंवार डोके दुखणे, बसल्याजागेवरून उठल्यावर डोळ्यांसमोर अंधारी येणे किंवा चक्कर येणे.
नखांचा रंग फिकट पडतो आणि ती सहज तुटू लागतात किंवा त्यांचा आकार चमच्यासारखा होऊ शकतो.
शरीरातील ऑक्सिजनची कमतरता भरून काढण्यासाठी हृदयाला जास्त वेगाने रक्त पंप करावे लागते, ज्यामुळे छातीत धडधड जाणवू शकते.