Mahesh Gaikwad
पंतप्रधानपदाच्या तिसऱ्या कार्यकाळाची सुरूवात पंतप्रधान नरेंद्र मोदी यांनी पीएम किसान योजनेच्या फाईलवर सही करून केली.
यानुसार पंतप्रधान किसान सन्मान निधी योजनेच्या १७ वा हप्ता देशभरातील लाभार्थी शेतकऱ्यांच्या खात्यावर आज जमा होणार आहे.
या योजनेंतर्गत शेतकऱ्यांच्या खात्यात एका वर्षात तीन हप्त्यांमध्ये दोन-दोन हजार रुपये असे सहा हजार रुपये जमा केले जातात.
तुम्हीही योजनेचे लाभार्थी असाल आणि अजूनही तुमची इ-केवायसी पूर्ण झाली नसेल, तर १७ व्या हप्त्याची रक्कम खात्यामध्ये येणार नाही.
आज आम्ही तुम्हाला इ-केवायसी कशी करायची याची प्रक्रिया समजावून सांगणार आहोत. यासाठी पीएम किसानच्या अधिकृत http://pmkisan.gov.in/ या वेबसाईटवर जा.
येथे फार्मर कॉर्नर सेक्शनमध्ये इ-केवायसीच्या पर्यायावर क्लिक करा. येथे तुमचा आधार क्रमांक आणि रजिस्टर्ड मोबाईल क्रमांक भरा.
त्यानंतर तुम्हाला रजिस्टर्ड मोबाईलवर ओटीपी क्रमांक येईल. ओटीपी क्रमांक टाकल्यानंतर इ-केवायसीची प्रक्रिया पूर्ण होईल.