Mahesh Gaikwad
बदलती जीवनशैली आणि धकाधकीच्या आयुष्यामुळे अनेकांना आरोग्याच्या समस्या उद्भवतात. आजकाल तरूणांमध्ये वाढते वजन ही सुध्दा अशीच एक समस्या आहे.
वाढलेल्या वजनाकडे दुर्लक्ष केल्यास अनेक आजारांना निमंत्रण मिळते. वाढलेले वजन कमी करण्यासाठी अनेकजण जीममध्ये तासंतास घाम गाळतात.
केवळ व्यायाम केल्याने वजन कमी होत नाही, तर त्यासाठी योग्य आहारही घेणे गरजेचे असते. वजन कमी करण्यासाठी अनेकजण मूग डाळ खाण्याचा सल्ला देतात.
तुमच्या दैनंदिन आहारामध्ये मुगाच्या डाळीचा समावेश केल्याने खरंच वजन कमी होते का? याचीच माहिती आज आपण पाहणार आहोत.
तुम्ही जर वजन कमी करण्यासाठी प्रयत्न करत असाल, तर तुमच्या आहारामध्ये मुगाचा समावेश असायलाच पाहिजे. मुगामध्ये प्रथिने आणि पोषक घटक असतात.
मुगामध्ये तंतुमय पदार्थांचे (फायबर) प्रमाण भरपूर असते. ज्यामुळे तुम्हा दिर्घकाळापर्यंत पोट भरल्यासारखे वाटते आणि त्यामुळे लवकर भूक लागत नाही.
याशिवाय मूग पचायला सोपे असतात. मुगामुळे पचनक्रिया सुधारते. ज्यामुळे खाल्लेले अन्न अंगी लागते आणि शरीरातील चरबी वाढत नाही.