Mahesh Gaikwad
पिझ्झा, बर्गर या सारख्या पदार्थांमध्ये अनेक विदेशी भाज्या वापल्या जातात. कोबीसारख्याच दिसणाऱ्या लेट्यूस, ब्रोकली या भाज्याही या पदार्थांमध्ये वापरल्या जातात.
अलिकडच्या काळात विदेशी भाज्या खाण्याचे प्रमाण वाढल्याचे दिसून येते. नवलकोल ही भाजीही त्यापैकीच एक आहे.
आरोग्याच्या दृष्टीने सलाड म्हणून कच्च्या भाज्या खाण्याचा सल्ला आहारतज्ज्ञ देतात. नवलकोल ही भाजीसुध्दा सलाड म्हणून किंवा त्याची करून खाल्ली जाते.
नवलकोल ही भाजी कोबीवर्गीय असून दिसायला ही कोबीप्रमाणेच असतो. अलिकडच्या काळात या भाजीची लागवड महाराष्ट्रातही काही प्रमाणत होत आहे.
परदेशी असलेली नवलकोल भाजी ही मूळची युरोपातील आहे. आहारासोबतच या ही भाजी खाण्याचे आरोग्यासाठीचे फायदेही अनेक आहेत.
नवलकोल भाजीचे पीक प्रामुख्याने थंड हवेच्या ठिकाणी चांगले येते. देशातील अनेक राज्यांमध्ये या भाजीची लागवड केली जाते.
नवलकोल भाजी जेवणासोबत सलाड म्हणूनही खाल्ली जाते. तसेच या भाजीपासून बरेच दिवस टिकणारे लोणचेही तयार करतात.
वजन कमी करण्यासाठीही आहारात या भाजीचा समावेश केला जाऊ शकतो. तसेच अन्न पचनासाठी सुध्दा याचा फायदा होतो.