Team Agrowon
अन्नातील भेसळ ही भयंकर समस्या असून, त्याचा आपल्या आरोग्यावर विपरीत परिणाम होतो.
अलीकडे ग्राहकांमध्ये जागरूकता होऊ लागलेली असली तरी बहुतांश सामान्य लोकांपर्यंत भेसळीचे आरोग्यासाठी असलेले भीषण परिणाम अद्याप माहिती नाहीत.
अन्नातील भेसळ जुलाब, पोटदुखी, मळमळ, उलट्या, दृश्य विकार, डोकेदुखी, कर्करोग, अशक्तपणा, निद्रानाश, स्नायू पक्षाघात, मेंदूचे नुकसान, पोटाचे विकार, चक्कर येणे, सांधेदुखी, यकृत रोग, जलोदर, आतडे व पचनसंस्थेच्या समस्या, श्‍वासोच्छ्वासाच्या समस्यांशी जोडलेले आहे.
तीव्र व सातत्याने अन्न भेसळयुक्त आहारामुळे आतड्यांना सूजेसह हृदयविकाराच्या झटक्यापर्यंत परिणाम पोहोचू शकतात.
मेलामाइन हे नायट्रोजन-समृद्ध संयुग असून, दुधातील नैसर्गिक प्रथिनांचे प्रमाण वाढविण्यासाठी दुधामध्ये मिसळले जाते. या मेलामाइनच्या सेवनामुळे मूत्रपिंड निकामी होणे, मूतखडे आणि मूत्रमार्गात संसर्ग होतात.
तेलाच्या भेसळीमुळे पित्ताशयाचा कर्करोग, जलोदर, काचबिंदू, दृष्टी कमी होणे, पक्षाघात, यकृत खराब होणे आणि हृदयविकाराचा झटका येऊ शकतो.
काही भेसळयुक्त पदार्थांमुळे कर्करोग होण्याच्या शक्यता वाढतात. भेसळयुक्त अन्नाचे दीर्घकाळ सेवन मानवी शरीरासाठी अत्यंत हानिकारक ठरते.