Anuradha Vipat
घरच्या घरी फेशिअल केल्याने चेहऱ्यावरील धूळ, मृत त्वचा आणि अतिरिक्त तेल निघून जाते, ज्यामुळे त्वचेला नैसर्गिक चमक मिळते.
पार्लरमध्ये न जाता घरच्या स्वयंपाकघरातील नैसर्गिक वस्तूंचा वापर करून ५ सोप्या स्टेप्समध्ये फेशिअल करण्याची पद्धत खालीलप्रमाणे आहे.
२ चमचे कच्चे दूध घ्या. त्यात कापसाचा गोळा बुडवून संपूर्ण चेहरा आणि मान स्वच्छ पुसून घ्या. २ मिनिटांनी चेहरा कोमट पाण्याने धुवा.
१ चमचा तांदळाचे पीठ किंवा कॉफी पावडर घेऊन त्यात १ चमचा मध मिसळा. या मिश्रणाने चेहऱ्यावर हलक्या हाताने २ ते ३ मिनिटे वर्तुळाकार मसाज करा
एका मोठ्या भांड्यात पाणी गरम करा. डोक्यावरून टॉवेल ओढून चेहऱ्याला ३ ते ५ मिनिटे वाफ घ्या.
१ चमचा अलोवेरा जेलमध्ये अर्धा चचा खोबरेल तेल किंवा बदाम तेल मिक्स करा. या क्रिमने चेहऱ्यावर खालून वरच्या दिशेने ५ ते ७ मिनिटे हलका मसाज करा.
१ चमचा बेसन, चिमूटभर हळद आणि २ चमचे दही किंवा गुलाब पाणी एकत्र करून पॅक तयार करा. हा पॅक चेहऱ्यावर लावून १५ मिनिटे ठेवा. पॅक सुकल्यानंतर थंड पाण्याने चेहरा स्वच्छ धुवा.