Anuradha Vipat
दिवाळीचा फराळ हा सणाचा मुख्य आनंद असतो, पण तो बनवताना योग्य प्रमाण, तळण्याची पद्धत आणि साहित्याची निवड या गोष्टी पाळल्या नाहीत तर संपूर्ण मेहनत वाया जाऊ शकते.
फराळ परफेक्ट, खुसखुशीत आणि दीर्घकाळ टिकण्यासाठी फराळ बनवताना खालील महत्त्वाची काळजी नक्की घ्या.
फराळासाठी लागणारे तेल, डाळीचे पीठ, मैदा आणि रवा नेहमी ताजा व चांगल्या दर्जाचा वापरा. जुन्या साहित्यामुळे फराळाला खवट वास येऊ शकतो.
मैदा, बेसन किंवा पिठीसाखर वापरण्यापूर्वी बारीक चाळणीने चाळून घ्या. यामुळे पिठात गाठी राहत नाहीत आणि पीठ हलके होते.
चिवडा, चकली किंवा शंकरपाळीच्या पिठात घालण्यात येणारे कडकडीत तेलाचे किंवा तुपाचे मोहन अगदी मोजून टाका.
फराळ तळताना तेल आधी चांगले गरम करून घ्या, पण तळताना गॅस मध्यम ठेवा.
रवा किंवा बुंदीचे लाडू बनवताना पाकाकडे विशेष लक्ष द्या. बऱ्याचदा लाडूंसाठी 'एकतारी' पाक लागतो.