Team Agrowon
आपल्या रोजच्या स्वयंपाकात पदार्थ करताना फोडणीसाठी हिंग तर लागतोच. त्यामुळे प्रत्येक घरी हिंगपूड असते.
पदार्थाची रुची वाढविण्यासाठी, खमंगपणा येण्यासाठी हिंग उपयोगी पडतो. औषध म्हणूनही हिंग तेवढाच उपयोगी आहे.
हिंग अत्यंत पाचक म्हणून काम करतो. जेवणामध्ये गोड ताजे ताक आणि त्यात हिंग घालून घेतल्यास पचन सुधारते.
हिंगाचा समावेश असणारे हिंगाष्टक चूर्ण भूक वाढवते, पोटातले गॅसेस कमी करते; पण घेण्याची पद्धत मात्र जाणून घेतली पाहिजे.
जर भूक लागत नसेल तर जेवणात पहिल्या घासाबरोबर हिंग्वाष्टक चूर्ण तुपासह घ्यावे. जर पोट दुखत असेल तर जेवणानंतर हिंग्वाष्टक चूर्ण पाव चमचा प्रमाणात गरम पाण्यातून घ्यावे.
पोटात खूप दुखत असेल आणि गॅसेसमुळे दुखत असेल तर हिंगाचा गरम लेप पोटावर नाभीभोवती लावावा. त्यासाठी हिंग पाण्यात कालवून गरम करावा.
आपल्या रोजच्या वापरातील हिंग औषध म्हणून वापरला तर निश्चितच लहानसहान तक्रारींना आराम पडू शकतो.