sandeep Shirguppe
धुळ्यातील पूनमचंद जयराम पाटील या शेतकऱ्याने आधुनिकतेची कास धरत साडे चार एकरवर सेंद्रिय आवळ्याची शेती करत नवा पर्याय उभा केला आहे.
कुटुंबाला सोबत घेत तब्बल साडेचार एकरवर सेंद्रिय आवळ्याचे उत्पादन घेत यशस्वी सेंद्रिय शेतीचा प्रयोग करून दाखवला आहे.
मुंबई-आग्रा महामार्गावरील देवभाने गावाजवळ त्यांची शेती आहे. वडील आणि मुलाने ४०० च्या पुढे आवळ्याच्या झाडांची लागवड केली.
झाडांच्या वाढीचा कालावधी झाल्यानंतर आवळ्याचे उत्पादन मिळू लागले आहे. एका झाडापासून सरासरी ९० ते १०० किलो उत्पादन मिळत आहे.
तर या सेंद्रिय आवळ्यापासून त्यांना पुढील चार महिन्यांत तब्बल १७ लाखांचे उत्पन्न दृष्टीपथात आहे.
शेताच्या बांधावर ५० रुपये प्रतिकिलो, तर होलसेल व्यापारी ३५ ते ४० रुपये किलो दराने आवळ्याची खरेदी करतात.
पाटील हे थेट आवळ्याच्या झाडांना गाई बांधतात यामुळे गायीचे मलमूत्र व शेणखत दररोज पडत असल्याने रासायनिक खत व केमिकलयुक्त द्रव पदार्थ दिले जात नाही.
सेंद्रिय पद्धतीने आवळ्याचे उत्पादन घेतले जात असल्यामुळेच आवळा झाडावर जास्त दिवस टिकून राहतो.
पाटील यांना सगळा खर्च जावून १२ लाख २५ हजार निव्वळ आवळा पिकापासून नफा अपेक्षित मिळण्याची आहे.
शेतातच गायी असून, दूध उत्पादनही घेतले जाते. त्यामुळे दुहेरी फायदा असल्याचे शेतकरी पूनमचंद पाटील यांनी सांगितले.