Anuradha Vipat
धनत्रयोदशी हा सण केवळ खरेदीचा नसून आर्थिक समृद्धी आणि सुख-शांती मिळवण्याचा महामुहूर्त मानला जातो.
जर कर्जाचा डोंगर वाढला असेल तर धनत्रयोदशीच्या शुभ मुहूर्तावर ज्योतिषशास्त्रातील काही सोपे आणि अत्यंत प्रभावी उपाय नक्की करून पाहा.
आज संध्याकाळी लक्ष्मी-कुबेर पूजनाच्या वेळी १ रुपयाचे नाणे गंगाजलाने स्वच्छ करून त्यावर कुंकवाचा टिळा लावा. पूजेनंतर हे नाणे आणि एक अखंड लवंग एका लाल कपड्यात बांधून त्याची लहान पोटली बनवा.
धनतेरसला ५ रुपयांचे अख्खे धणे खरेदी करा. एका मातीच्या दिव्यामध्ये हे धणे आणि १ रुपयाचे नाणे ठेवून त्याची पूजा करा. दिवाळी पूर्ण झाल्यावर हे नाणे तिजोरीत ठेवा आणि धणे घराच्या अंगणातील कुंडीत पेरा.
धनत्रयोदशीला विषम संख्येत म्हणजेच ३ गवताचे झाडू खरेदी करा. या झाडूंची घरी पूजा करा. त्यानंतर उद्या पहाटे सूर्योदयापूर्वी यातील एक झाडू शांतपणे कोणत्याही मंदिरात नेऊन गुपचूप दान करा.
धनतेरसच्या दिवशी संध्याकाळी पिठाचा एक चौमुखी दिवा बनवा. त्यात मोहरीचे किंवा तिळाचे तेल टाकून तो दिवा घराच्या मुख्य प्रवेशद्वाराच्या बाहेर दक्षिण दिशेला तोंड करून लावा.
आजच्या दिवशी सराफा दुकानातून किंवा पूजेच्या दुकानातून ११ गोमती चक्र आणि ११ पिवळ्या कवड्या खरेदी करा. लक्ष्मी पूजेच्या वेळी त्यावर हळद-कुंकू वाहून त्यांची पूजा करा. दुसऱ्या दिवशी हे सर्व साहित्य एका पिवळ्या कपड्यात बांधून घराच्या मुख्य लॉकरमध्ये ठेवा.