Anuradha Vipat
धनत्रयोदशीच्या दिवशी यमराजासाठी केला जाणारा 'यमदीपदान' हा विधी अत्यंत महत्त्वाचा मानला जातो.
या दिवशी योग्य मुहूर्तावर यमदेवासाठी दीपदान केल्यास कुटुंबातील सदस्यांवरील अकाली मृत्यूचे संकट टळते आणि उत्तम आरोग्य लाभते.
हिंदू पंचांगानुसार, यमदीपदान नेहमी धनत्रयोदशीच्या दिवशी 'प्रदोष काळात' (सायंकाळी सूर्यास्तानंतर) केले जाते.
तारीख: शुक्रवार, ६ नोव्हेंबर २०२६
यमदीपदान शुभ वेळ (प्रदोष काळ): सायंकाळी ५:३३ ते रात्री ८:०९ पर्यंत
विशेष शुभ काळ (सायं संध्‍या मुहूर्त): सायंकाळी ५:३३ ते ६:५१ (या काळात दिवा लावणे अत्यंत उत्तम मानले जाते
यमराजाला प्रसन्न करण्यासाठी आणि दोषांपासून मुक्ती मिळवण्यासाठी खालील नियमांचे पालन यमदीपदानासाठी मातीचा किंवा घरच्या पिठाचा चार मुखी मोठा दिवा तयार करावा.
दिव्यामध्ये मोहरीचे तेल किंवा तिळाचे तेल वापरावे. त्यात एक तांब्याचे नाणे आणि थोडे काळे तीळ टाकणे अत्यंत शुभ मानले जाते.
घरातील मुख्य पूजा (लक्ष्मी-कुबेर पूजा) संपन्न झाल्यानंतर हा दिवा पेटवावा. दिव्याला हळद-कुंकू, अक्षता आणि फुले वाहून नमस्कार करावा.
हा दिवा घेऊन घराच्या मुख्य प्रवेशद्वाराबाहेर जावे. घराच्या उंबरठ्याबाहेर डाव्या किंवा उजव्या बाजूला धान्याची रास ठेवून त्यावर हा दिवा स्थापित करावा.