Anuradha Vipat
धनत्रयोदशी हा सण सुख, समृद्धी आणि उत्तम आरोग्याचा आशीर्वाद मिळवण्याचा अत्यंत पावन दिवस मानला जातो.
आज धनत्रयोदशीच्या पूजेदरम्यान ज्योतिषशास्त्रात आणि पुराणात सांगितलेल्या काही अत्यंत प्रिय वस्तूंचा समावेश केल्यास माता लक्ष्मी आणि कुबेर देव प्रसन्न होतात.
धनत्रयोदशीचे मुख्य देव आरोग्याचे दाते भगवान धन्वंतरी आहेत. त्यामुळे पूजेत माता लक्ष्मी आणि कुबेर देवांसोबत भगवान धन्वंतरीच्या मूर्तीची किंवा प्रतिमेची स्थापना नक्की करा.
पूजेच्या पाटावर चांदीचे किंवा १ रुपयाचे तांब्याचे नाणे ठेवून त्यावर कुंकवाचा टिळा लावा. हे नाणे संपन्नतेचे प्रतीक मानले जाते.
कवड्या समुद्रमंथनातून प्रकट झाल्या होत्या आणि त्या माता लक्ष्मीला अत्यंत प्रिय आहेत. पूजेत किमान ५ किंवा ११ पिवळ्या कवड्या ठेवून त्यांची पूजा करा.
माता लक्ष्मीचे आसन कमळ आहे. पूजेमध्ये त्यांना कमळाचे फूल किंवा लाल रंगाची जास्वंद, गुलाबाची फुले अर्पण केल्याने त्या लवकर प्रसन्न होतात.
आज खरेदी केलेले पितळेचे भांडे किंवा कलश पाण्याने भरून त्यात अक्षता आणि नाणे टाकून पूजेच्या ठिकाणी मांडावे.