Mahesh Gaikwad
नरेंद्र मोदी यांनी पंतप्रधानपदाचा कार्यभार स्विकारताच देशातील करोडो शेतकऱ्यांसाठी मोठा दिलासा दिला आहे.
१० जून रोजी मोदी यांनी तिसऱ्यांदा पंतप्रधानपदाची शपथ घेतली. त्यानंतर दुसऱ्याच दिवशी मोदी यांनी पंतप्रधान म्हणून किसान सन्मान योजनेच्या निधी हस्तांतरणाच्या फाईलवर पहिली सही केली.
लोकसभा निवडणुकीच्या आचार संहितेमुळे योजनेचा १७ वा हप्ता रखडला होता. पण आता योजनेचा पुढील हप्ता कधी जमा होणार याची तारीखही समोर आली आहे.
पीएम किसान योजनेंतर्गत आतापर्यंत १६ हप्ते लाभार्थी शेतकऱ्यांच्या खात्यात जमा करण्यात आले आहेत.
येत्या १८ जून २०२४ रोजी योजनेच्या १७ व्या हप्त्याची रक्कम लाभार्थी शेतकऱ्यांच्या खात्यात जमा केली जाणार आहे.
उत्तर प्रदेशातील वाराणसी येथून १७ व्या हप्त्याची रक्कम शेतकऱ्यांच्या खात्यात हस्तांतरित केली जाणार आहे. डीबीटीच्या माध्यमातून ही रक्कम थेट शेतकऱ्यांच्या खात्यात जमा होणार आहे.
१७ व्या हप्त्यापोटी देशातील ९.३ कोटी लाभार्थी शेतकऱ्यांच्या बँक खात्यात २ हजार रुपये जमा होणार आहे.
योजनेच्या १७ व्या हप्त्यामध्ये एकूण २० हजार कोटी रुपये हस्तांतरित करण्यात येणार आहेत.