Anuradha Vipat
आजकाल धावपळीच्या जीवनशैलीमुळे आणि मानसिक ताणामुळे अनेकांना रात्री शांत झोप येत नाही.
अशा वेळी डॉक्टरांच्या सल्ल्याशिवाय किंवा सतत झोपेच्या गोळ्या घेण्याची सवय अनेकांना लागते.
या गोळ्या तात्पुरती झोप आणत असल्या, तरी दीर्घकाळ विचार केला तर त्या शरीरासाठी अत्यंत घातक ठरू शकतात.
सतत झोपेच्या गोळ्या घेतल्याने मेंदूला त्याची सवय होते. काही दिवसांनी या गोळ्या घेतल्याशिवाय नैसर्गिकरीत्या झोप येणे पूर्णपणे बंद होते.
झोपेच्या गोळ्यांमुळे मेंदूच्या कार्यक्षमतेवर परिणाम होतो. यामुळे गोष्टी लक्षात न राहणे, लक्ष केंद्रित करता न येणे आणि गोंधळल्यासारखे वाटणे अशा समस्या उद्भवतात.
रात्री गोळी घेऊन झोपल्यानंतरही सकाळी उठल्यावर उत्साह वाटण्याऐवजी दिवसभर डोके जड होणे, चक्कर येणे आणि प्रचंड आळस जाणवणे अशा तक्रारी सुरू होतात.
काही झोपेच्या गोळ्या शरीरातील श्वसन प्रक्रिया मंदावतात. ज्या लोकांना आधीच दम्याचा किंवा घोरण्याचा त्रास आहे, त्यांच्यासाठी या गोळ्या अत्यंत धोकादायक ठरू शकतात.