Mahesh Gaikwad
बऱ्याच जणांना घरासमोर, अंगणात रंगीबेरंगी, सुंदर फुलांची झाडे लावण्याची आवड असते.
मोठमोठ्या शहरांमध्ये घरासमोर अंगण नसल्याने बरेच जण टेरेसवर किंवा बाल्कनीमध्ये झाडे लावून आपली गार्डनिंगची हौस पूर्ण करतात.
याशिवाय काही लोक घरातच शोभेची छोटी झाडे (इनडोर प्लांट) लावतात. ही झाडे ऑक्सिजिनही देतात.
आज आम्ही तुम्हाला अशाच घराचे सौंदर्य वाढविणाऱ्या आणि सोबतच ऑक्सिजन देणाऱ्या झाडाची माहिती देणार आहोत.
दिसायला सुंदर आणि ऑक्सिजन देणाऱ्या झाडाचे नाव आहे कोलियस. कोलियस हे एक घरात लावता येणारे झाड आहे.
कोलियस झाडाची पाने अत्यंत सुंदर आणि रंगीबेरंगी असतात. याच्या पानांवर वेगवेगळ्या छटा असल्याने याचे सौंदर्य अधिकच खुलून दिसते.
हे झाड घरात लावल्याने घराची शोभा तर वाढतेच शिवाय हे झाड ऑक्सिजनही देते. या झाडाचे वैशिष्ट्ये म्हणजे हे झाड मातीशिवाय पाण्याने भरलेल्या बाटलीतही लावू शकता.