Anuradha Vipat
३० वर्षांनंतर पुरुषांच्या शरीरात हळूहळू अनेक जैविक आणि संप्रेरक बदल होऊ लागतात.
विसाव्या वर्षांतील ऊर्जा आणि चयापचय या वयात कमी होऊ लागतो. त्यामुळे या वयानंतर आरोग्याची विशेष काळजी घेणे गरजेचे असते.
शरीराची कॅलरीज जाळण्याची क्षमता कमी होते. त्यामुळे पूर्वीसारखाच आहार ठेवला तरी वजन आणि पोटाची चरबी वेगाने वाढू लागते.
वयाच्या ३० नंतर पुरुषांच्या शरीरातील मुख्य संप्रेरक 'टेस्टोस्टेरॉन' वर्षाला साधारण १ टक्क्याने कमी होऊ लागते. यामुळे ऊर्जेची पातळी कमी होणे, थकवा जाणवणे आणि लैंगिक क्षमतेवर परिणाम होऊ शकतो.
शारीरिक हालचाल कमी झाल्यास स्नायूंचे प्रमाण कमी होऊन शरीरात चरबीचे प्रमाण वाढू लागते.
हाडे हळूहळू कमकुवत होऊ लागतात, ज्यामुळे भविष्यात सांधेदुखी किंवा दुखापतींचा धोका वाढतो.
कौटुंबिक आणि करिअरच्या जबाबदाऱ्यांमुळे मानसिक ताण वाढतो, ज्याचा थेट परिणाम झोपेवर आणि हृदयाच्या आरोग्यावर होतो.