Swapnil Shinde
नाशिक जिल्ह्यात जसजशी थंडी वाढत जाईल तस-तसे पक्षी आणि पर्यटकांची संख्याही वाढत जाते.
महाराष्ट्राचे ‘भरतपूर’ म्हणून ओळख असणाऱ्या नांदूरमध्यमेश्वर पक्षी अभयारण्यात देश-विदेशातील परदेशी पक्षी दाखल होऊ लागले आहेत.
सध्या येथे उघड्या चोचीचा करकोचा, साधा करकोचा, काळा शेपटीचा ठिपकेवाला गरुड, ब्राह्मणी बदक, चमचा, जांभळी पाणकोंबडी, खंड्या, थापट्या अशा असंख्य पक्ष्यांचा किलबिलाट सुरू आहे.
बार हेड, गुज, ऑस्प्रे, काॅमन क्रेन, मार्शहरीहर, काॅमन पोटार्ड, पोलिस हरिहर, ग्रेटर, स्पाॅटेडहगल, गाग्ररनी या परदेशी पक्ष्यांसह स्थानिक पक्षी आढळून आले.
अभयारण्य वनविभागाने पक्ष्यांना बसण्यासाठी खास झाडाच्या आकारांच्या प्रतिकृती निर्माण केल्या आहेत.
अभयारण्यात वनविभागाने पक्षी निरीक्षणासाठी येणार्‍या पर्यटकांसाठी प्रत्येक मनोर्‍यावर गाइड आणि दुर्बिणीची व्यवस्था केली आहे.
अनेक वर्षांपासून येथे हजेरी लावणारा आणि पर्यटकांचे खास आकर्षण ठरलेल्या फ्लेमिंगो पक्षी प्रतिक्षा होती.