Anuradha Vipat
वास्तू शास्त्रानुसार मुलांचे अभ्यासात लक्ष लागावे, एकाग्रता वाढावी आणि स्मरणशक्ती उत्तम राहावी यासाठी अभ्यासाची खोली योग्य दिशेला असणे अत्यंत महत्त्वाचे आहे.
ईशान्य कोपरा अभ्यास करण्यासाठी सर्वोत्तम मानला जातो. या दिशेला गुरु ग्रहाचे नियंत्रण असते, जे बुद्धी आणि ज्ञानाचे प्रतीक आहे.
अभ्यास करताना मुलांचे तोंड नेहमी पूर्व किंवा उत्तर दिशेकडे असावे. यामुळे एकाग्रता सुधारते. अभ्यासाचे टेबल भिंतीला पूर्णपणे चिकटवून ठेवू नका.
पुस्तकांचे कपाट किंवा रॅक नेहमी खोलीच्या दक्षिण किंवा पश्चिम भिंतीवर असावे. पुस्तकांचे कपाट शक्यतो दरवाजा असलेले असावे.
अभ्यासाच्या खोलीसाठी फिकट हिरवा , पांढरा , फिकट निळा किंवा क्रीम रंग वापरावेत.
खोलीत नैसर्गिक सूर्यप्रकाश आणि हवा येणे आवश्यक आहे. अभ्यासाच्या टेबलवर डाव्या बाजूने प्रकाश येईल अशी दिव्याची सोय करावी.
खोलीचा ईशान्य भाग नेहमी रिकामा, स्वच्छ आणि हलका ठेवावा. तेथे पुस्तकांचा ढीग करू नये.