Anuradha Vipat
गर्भधारणा हा प्रत्येक स्त्रीच्या आणि कुटुंबाच्या आयुष्यातील अत्यंत महत्त्वाचा आणि आनंदाचा टप्पा असतो.
निरोगी बाळाला जन्म देण्यासाठी योग्य वेळी नियोजन करणे आणि शरीराचे आरोग्य उत्तम राखणे अत्यंत गरजेचे असते.
गर्भधारणेसाठी स्त्रीच्या शरीरातील ओव्ह्युलेशन पीरियड हा सर्वात महत्त्वाचा काळ असतो.
मासिक पाळीच्या चक्रामध्ये जेव्हा स्त्रीच्या अंडाशयातून अंडं बाहेर पडते, त्याला ओव्ह्युलेशन म्हणतात.
२८ दिवसांचे मासिक पाळी चक्र असलेल्या महिलांमध्ये पाळी सुरू झाल्यापासून ११ व्या दिवसापासून ते १८ व्या दिवसापर्यंतचा काळ ओव्ह्युलेशनचा असतो.
वैद्यकीयदृष्ट्या गर्भधारणेसाठी २२ ते ३० वर्षे हे वय सर्वात उत्तम मानले जाते, कारण या वयात स्त्रीची प्रजनन क्षमता सर्वोच्च पातळीवर असते.
गर्भधारणेपूर्वी एकदा पती-पत्नी दोघांनीही डॉक्टरांना भेटून थायरॉईड, हिमोग्लोबीन, शुगर आणि सिफिलीस यांसारख्या आवश्यक आरोग्य चाचण्या करून घेणे अत्यंत फायदेशीर ठरते.