Anuradha Vipat
रोज सकाळी रिकाम्या पोटी आपण जे काही खातो किंवा पितो, त्याचा थेट परिणाम आपल्या पचनसंस्थेवर, ऊर्जेवर आणि संपूर्ण आरोग्यावर होतो.
चुकीच्या पदार्थांचे सेवन केल्यास ऍसिडिटी आणि अपचनाचा त्रास होऊ शकतो, तर योग्य पदार्थांमुळे दिवसभर शरीरात उत्साह टिकून राहतो
बदाम नेहमी रात्री पाण्यात भिजत घालून सकाळी त्याची साल काढून खावेत. बदामाच्या सालीमध्ये 'टॅनीन' असते जे पोषक घटक शोषून घेण्यास अडथळा आणते.
रात्री पाण्यात भिजवलेले ६-७ मनुके आणि २ खजूर सकाळी रिकाम्या पोटी खाणे अत्यंत फायदेशीर आहे. यामध्ये लोहाचे आणि पोटॅशियमचे प्रमाण जास्त असते.
सकाळी चहा-कॉफी घेण्याऐवजी एक ग्लास कोमट पाण्यात एक चमचा शुद्ध मध आणि अर्ध्या लिंबाचा रस टाकून प्यावे. हे पेय शरीरातील विषारी घटक बाहेर टाकण्यास मदत करते.
मेथी दाण्यांमुळे रक्तातील साखरेची पातळी नियंत्रणात राहते, पचन सुधारते आणि केसांचे आरोग्यही उत्तम राहते.
सकाळी रिकाम्या पोटी पपई खाणे पोटासाठी अमृतासारखे काम करते. पपईमध्ये 'पपेन' नावाचे एन्झाईम असते, जे पचनक्रिया मजबूत करते आणि बद्धकोष्टतेचा त्रास कायमचा दूर करते.