Anuradha Vipat
चेहऱ्यावरील सुरकुत्या, सैल पडलेली त्वचा आणि म्हातारपणाची लक्षणे दूर ठेवण्यासाठी दररोज फक्त १० ते १५ मिनिटे 'फेशियल योगा करणे हा सर्वात नैसर्गिक आणि प्रभावी उपाय आहे.
फेशियल योगामुळे चेहऱ्याच्या स्नायूंना व्यायाम मिळतो, रक्ताभिसरण वाढते आणि त्वचेतील कोलेजन टिकून राहते.
दोन्ही हातांची बोटे कपाळावर ठेवा आणि बोटांनी त्वचा हलकीशी वरच्या दिशेने खेचून धरत भुवया वर उचलण्याचा प्रयत्न करा. ही स्थिती ५ ते १० सेकंद टिकवा.
तोंड 'O' आकारात उघडा आणि वरचा ओठ दातांवर दुमडून घ्या. त्यानंतर गालाचे स्नायू वरच्या दिशेने उचलून हसण्याचा प्रयत्न करा.
दोन्ही हातांची मधली बोटे भुवयांच्या आतील कोपऱ्यावर आणि तर्जनी डोळ्यांच्या बाहेरील कोपऱ्यावर ठेवा. आता वरच्या दिशेने पाहत खालची पापणी वर उचलून डोळे किलकिले करा. ५ सेकंद धरून सोडा.
मान मागे झुकवून छताकडे पहा आणि आपला खालचा ओठ वरच्या ओठावर नेऊन छताकडे किस केल्यासारखा आकार करा. गळ्याच्या स्नायूंवर ताण जाणवेल; ही स्थिती १० सेकंद ठेवा.
तोंडात हवा भरून दोन्ही गाल फुगवा. ही हवा ५ सेकंद उजव्या गालात, ५ सेकंद डाव्या गालात आणि नंतर वरच्या व खालच्या ओठांजवळ फिरवा.