Anuradha Vipat
लसूण आणि आले यांमधील सक्रिय संयुगे कोलेस्ट्रॉल कमी करण्यास, रक्तदाब नियंत्रित ठेवण्यास आणि रक्तवाहिन्यांमध्ये रक्ताच्या गुठळ्या होण्यापासून रोखण्यास मदत करतात.
दैनंदिन आहारात लसूण आणि आले यांचा मर्यादित समावेश केल्यास हृदयविकाराचा धोका कमी होऊ शकतो.
लसणातील 'ॲलिसिन' आणि आल्यातील 'जिंजरॉल' हे घटक रक्तातील खराब कोलेस्ट्रॉल आणि ट्रायग्लिसराइड्सची पातळी कमी करण्यास मदत करतात.
लसणातील सल्फर संयुगे रक्तवाहिन्यांना आराम देऊन त्या पसरवण्यास मदत करतात, ज्यामुळे उच्च रक्तदाब कमी होतो.
लसूण आणि आले हे दोन्ही नैसर्गिकरीत्या रक्त पातळ करण्याचे काम करतात. यामुळे रक्तवाहिन्यांमध्ये प्लेटलेट्स एकत्र येऊन गुठळ्या तयार होत नाहीत, परिणामी हार्ट अटॅक आणि स्ट्रोकचा धोका टळतो.
या दोन्ही पदार्थांमध्ये अँटीऑक्सिडंट आणि अँटी-इंफ्लेमेटरी गुणधर्म भरपूर असतात. यामुळे रक्तवाहिन्यांच्या आतील सूज कमी होते आणि धमनीकाठिण्य होण्याची प्रक्रिया मंदावते.
मधुमेह हा हृदयविकाराचे एक मोठे कारण आहे. आले आणि लसूण रक्तातील साखरेची पातळी नियंत्रित ठेवण्यास मदत करतात.