Anuradha Vipat
दिवाळी सणासुदीच्या काळात पारंपारिक पोषाखावर उठून दिसेल आणि दिवसभर टिकेल अशी हेअरस्टाईल निवडणे सर्वात महत्त्वाचे असते.
सणांच्या गडबडीत सोप्या, सुंदर आणि फेस्टिव्ह लूक देणाऱ्या काही लोकप्रिय हेअरस्टाईल्स खालीलप्रमाणे आहेत.
मधोमध किंवा एका बाजूने भांग पाडून केस मागे घ्या आणि मानेजवळ एक लो-बन बनवा. आधुनिक लूकसाठी थोडा 'मेसी बन' ट्राय करा.
कानाच्या वरच्या बाजूचे थोडे केस दोन्ही बाजूंनी मागे आणून ते पिन्सने किंवा सुंदर क्लिपने मध्यभागी क्लच करा. उरलेले खालचे केस मोकळे ठेवून त्यांना हलके कर्ल्स किंवा वेव्स द्या.
जर तुमचे केस लांब असतील, तर साधी वेणी घालण्याऐवजी फ्रेंच ब्रेड, सागरगोटा किंवा खजुरी वेणी घाला.
जर तुम्हाला केस पूर्ण मोकळे ठेवायचे असतील, तर एका बाजूने खोल भांग पाडून सगळे केस दुसऱ्या खांद्यावर पुढे घ्या. केसांना स्ट्रेट करण्याऐवजी खालच्या टोकांना मोठे कर्ल्स करा.
जर तुमचे केस लहान किंवा खांद्यापर्यंत असतील तर पुढच्या बाजूने बारीक वेणी घालत ती कानाच्या मागे पिन करा आणि मागचे केस मोकळे ठेवून थोडे इन-कर्ल्स किंवा आउट-कर्ल्स करा.