Team Agrowon
उन्हाळा सुरु झाला की माठ आणण्याची लगबग सुरु होते. आता प्रत्येकाच्या घरात फ्रीज असले तरी उन्हाळ्यात माठातील पाणी पिण्यालाच पसंती दिली जाते.
माठातील पाण्याला मातीमुळे नैसर्गीक थंडावा येत असल्याने फ्रीजमधील पाण्यापेक्षा माठातील पाण्याची चव काही औरच असते.
बाजारात लाल मातीचे, काळ्या मातीचे आणि पांढऱ्या मातीचे असे विविध प्रकार उपलब्ध असतात.
लाल मातीच्या विविध आकाराच्या माठांना पसंती दिली जात असली तरी जुनं ते सोनं प्रमाणे काळ्या माठातच पाणी लवकर गार पडत असल्यामुळे अनेक जण काळे माठ च वापरतात.
लाल मातीचे माठ दिसायला आकर्षक असतात. त्यामुळे या माठांची किंमत काळ्या माठापेक्षा जास्त असते.
खेडेगावात मोठ्या कुटुंबात किंवा शहरात सार्वजनिक ठिकाणी थंड पाण्यासाठी अजूनही मोठ्या रांजणाचा वापर केला जातो.
तोट्या बसवलेले, झाकण असलेले, विविध घाटाच्या माठांनाही मागणी असते.
उन्हाळ्यात माठाच्या वाढलेल्या मागणीमुळे माठ बनवणाऱ्या कुंभारांनाही चांगला रोजगार मिळतो.