Team Agrowon
पिकाच्या उत्पादनावर विपरीत परिणाम करणारा एक महत्त्वाचा घटक म्हणजे कीड-रोगांचा प्रादुर्भाव.
बहुतांश सर्व कीटकनाशके कमी अधिक प्रमाणात विषारी असतात. एका मात्रेनंतर माणूस, पाळीव प्राणी आणि सजीवांसाठी धोकादायक ठरतात.
किडीची अचूक ओळख पटवून, त्यांच्या प्रकारानुसार योग्य कीडनाशकाची निवड करावी.
सुरक्षित मिश्रणाची (उदा. पाण्यात मिसळणारे गोळीदार कीडनाशक) किंवा सुरक्षित वेष्टणाची (उदा. लहान पुड्या इ.) यांची निवड करावी. म्हणजे कीडनाशकांची हाताळणी कमी होईल.
आपण वापरत असलेले रसायन नेमके कोणत्या पद्धतीने काम करते, याची माहिती घ्यावी. (उदा. आंतरप्रवाही कीडनाशक, पोटविष, गवताची मुळे नष्ट करण्यासाठी ट्रान्सलोकेटेड तणनाशक इ.)
एकाच प्रकारच्या कीडनाशकांचा वापर करू नये. त्या ऐवजी आलटून पालटून फवारणीमध्ये रसायनातील कार्यकारी घटक वेळोवेळी बदलला जाईल, याची काळजी घ्यावी. म्हणजे किडीमध्ये प्रतिकारकता विकसित होणार नाही.