Anuradha Vipat
मेकअप करायला सुरुवात करताना चेहऱ्याची योग्य तयारी करणे आणि उत्पादनांचा योग्य क्रम फॉलो करणे अत्यंत महत्त्वाचे आहे.
योग्य पद्धत न वापरल्यास मेकअप लवकर खराब होऊ शकतो, काळा पडू शकतो किंवा चेहऱ्यावर पॅचेस दिसू शकतात.
चेहरा धुवून झाल्यावर टोनर लावा आणि त्यानंतर तुमच्या स्किन टाईपनुसार चांगले मॉइश्चरायझर लावा.
मॉइश्चरायझर लावल्यानंतर ५ मिनिटांनी चेहऱ्यावर प्राइमर नक्की लावा. प्राइमर लावल्यामुळे मेकअप जास्त वेळ टिकतो.
चेहऱ्याच्या रंगाशी जुळणारेच फाउंडेशन निवडा, जास्त गोरे दिसण्यासाठी लाईट शेड निवडल्यास मेकअप नंतर काळा पडू शकतो. डोळ्यांखालील काळी वर्तुळे किंवा चेहऱ्यावरील डाग लपवण्यासाठी फाउंडेशननंतर योग्य शेडचे कन्सीलर वापरा.
फाउंडेशन किंवा कन्सीलर बोटांनी पसरवण्याऐवजी ओल्या 'ब्युटी ब्लेंडर' किंवा मेकअप ब्रशचा वापर करा. ब्युटी ब्लेंडर चेहऱ्यावर घासण्याऐवजी हलक्या हाताने डॅब करत मेकअप ब्लेंड करा.
कॉम्पॅक्ट पावडर किंवा लूज ट्रान्सल्युसंट पावडर लावून मेकअप व्यवस्थित सेट करा.