Anuradha Vipat
लहान मुलांचे दात येताना हिरड्यांमध्ये तीव्र खाज आणि वेदना होतात.
साधारणपणे बाळाच्या वयाच्या ६ व्या महिन्यापासून दात येण्यास सुरुवात होते.
दात येण्याच्या या काळात बाळ चिडचिडे होते, लाळ जास्त गळते आणि हातात येईल ती वस्तू तोंडात घालते.
तुमच्या बोटाने किंवा ओल्या मऊ सुती कापडाने बाळाच्या हिरड्यांवर हलक्या हाताने मालिश करा.
सिलिकॉनचे बनलेले टीदर काही वेळ फ्रीजमध्ये ठेवून थंड करावे आणि बाळाला चावण्यासाठी द्यावे.
जर बाळ घनपदार्थ खात असेल, तर त्याला थंड केलेले सफरचंदाचे तुकडे किंवा गाजर स्वच्छ सुती कपड्यात बांधून चघळायला द्यावे.
दात येताना बाळाच्या तोंडातून सतत लाळ गळते. ही लाळ वेळोवेळी मऊ कपड्याने पुसावी.