Sainath Jadhav
विभागीय कृषी सहसंचालक प्रकाश देशमुख यांच्या हस्ते महोत्सवाचे उद्घाटन झाले. मनीष पालीवाल, गिरजाराम हाळनोर यांच्यासह मान्यवर उपस्थित होते.
छत्रपती संभाजीनगरात ज्योतीनगर येथे रानभाजी महोत्सव २०२५ आयोजित झाला. ग्राहकांनी उदंड प्रतिसाद देत रानभाज्या खरेदीचा आनंद घेतला.
सकाळ-ॲग्रोवन, आत्मा, कृषी विभाग आणि एचडीएफसी बँक यांनी संयुक्तपणे महोत्सवाचे आयोजन केले. गौरी-गणपती उत्सवासाठी रानभाज्यांचा संगम सादर झाला.
पैठण, फुलंब्री, गंगापूर, खुलताबाद, सोयगावातून शेतकऱ्यांनी ३० पेक्षा जास्त स्टॉल्स लावले. करटुले, आळूची पाने, तांदूळजा यासह ३०+ रानभाज्या विक्रीसाठी होत्या.
सकाळी ११ वाजता सुरू झालेल्या महोत्सवात दुपारपर्यंत निम्म्याहून अधिक रानभाज्या विकल्या गेल्या. ग्राहकांनी रानभाज्यांची माहिती जाणून घेत खरेदी केली.
शेतकऱ्यांनी रानभाज्यांचे महत्त्व ग्राहकांना समजावून सांगितले. निसर्गात वाढलेल्या ताज्या रानभाज्यांनी सर्वांचे लक्ष वेधले.
रानभाज्यांमधील औषधी गुणधर्मांमुळे ग्राहकांना आरोग्याची जाणीव झाली. शेतकऱ्यांना विक्रीसाठी व्यासपीठ मिळाले.
गौरी पूजनासाठी रानभाज्या घेण्याची संधी मिळाली. असे महोत्सव सातत्याने आयोजित करण्याची मागणी ग्राहकांनी केली.