Anuradha Vipat
हिवाळ्याच्या ऋतूत बाजारात मोठ्या प्रमाणात येणारा आवळा हा आरोग्यासाठी औषध मानला जातो.
आवळ्यामध्ये मुबलक प्रमाणात व्हिटॅमिन-सी आढळते, जे हिवाळ्यात शरीराची रोगप्रतिकारक शक्ती मजबूत करते आणि संसर्गापासून संरक्षण करते.
थंडीच्या दिवसांत थंड हवेमुळे होणारा सर्दी, खोकला आणि घशातील खवखव यांसारख्या समस्यांवर आवळा किंवा आवळ्याचा रस मधासोबत घेतल्यास आराम मिळतो.
आवळ्यामध्ये असलेल्या फायबरमुळे हिवाळ्यात मंदावलेली पचनक्रिया सुधारते. यामुळे बद्धकोष्टता आणि गॅसच्या समस्येपासून सुटका मिळते.
आवळ्याचे रोज सेवन केल्याने रक्ताभिसरण सुधारते आणि त्वचा नैसर्गिकरित्या चमकदार व मऊ होते.
आवळ्यातील पोषक घटक केसांची मुळे मजबूत करतात. हिवाळ्यात उद्भवणारी कोंड्याची समस्या दूर करून केस गळती रोखण्यासाठी आवळा गुणकारी ठरतो.
आवळा शरीरातील चयापचय क्रिया वेगवान करतो. यामुळे हिवाळ्यात वाढणारे वजन नियंत्रणात ठेवण्यास मोठी मदत होते.