sandeep Shirguppe
मनोरंजन विश्व गाजवणारे अशोक सराफ यांना २०२३ वर्षाचा मानाचा 'महाराष्ट्र भूषण' पुरस्कार देण्याची घोषणा करण्यात आली.
अशोक सराफ यांनी केवळ विनोदीच नव्हे तर गंभीर स्वरूपापासून ते खलनायकी प्रवृत्तीपर्यंत विविध छ्टांचे दर्शन आपल्या अभिनयातून घडवले.
वयाची ७५ ओलांडली तरीही अशोक सराफ आजही विविध माध्यमांमधून लोकांचं मनोरंजन करतात.
कला क्षेत्रात पाऊल टाकताना अशोक मामांचा पहिला चित्रपट कोणता होता आणि त्यांना काम कसं मिळालं असेल याबाबत जाणून घ्या.
अशोक सराफ लहानपणापासूनच रंगभूमीवर सक्रीय होते. रंगभूमीवर काम करताना अशोक मामांना स्टेट बँकेच्या नोकरीची ऑफर आली.
आंतरबँक एकांकिका स्पर्धेत भाग घेऊन त्यांनी पहिलं पारितोषिक पटकावलं. पुढे अशोकमामा नोकरी सांभाळत सांभाळत नाटकं करु लागले.
पुढे एका नाटकासाठी प्रकाशयोजनेची जबाबदारी सांभाळत असताना गजानन जहागीरदार यांनी 'दोन्ही घरचा पाहुणा' सिनेमासाठी अशोकमामांची निवड केली.
अशाप्रकारे अशोक सराफ यांना आयुष्यातला पहिला सिनेमा मिळाला. त्यावेळी सात दिवसांच्या कामासाठी मामांना ५०० रुपये मिळाले होते.
मला कल्पना नव्हती मला हा पुरस्कार मिळेल. मी कुठेतरी चांगलं काम करतोय. माझी आतापर्यंतची धडपड सार्थकी लागली.
मी करत गेलो आणि लोकांना आवडत गेलं. हे यश माझं नाही तर माझ्या सहकाऱ्यांचंही आहे. या यशात निवेदिता माझ्यासोबत होती.