Mahesh Gaikwad
हिमाचल प्रदेशसह उत्तर भारतातील अनेक राज्यांमध्ये मुसळधार पावसामुळे वाहतूक सेवा विस्कळीत झाली आहे.
वाहतूक व्यवस्था कोलमडल्यामुळे या राज्यातील टोमॅटोचे किरकोळ बाजारातील दर ८० रुपये प्रतिकिलोवर पोहोचले आहेत.
टोमॅटोचे दर वाढल्यामुळे गृहिणींचे बजेटही कोलमडले आहे. परिणामी बाजारात टोमॅटो खरेदी करताना ग्राहक हात आखडता घेताना दिसत आहेत.
या पार्श्वभूमीवर उत्तर भारतातील मॅकडॉनल्डच्या अनेक स्टोर्समध्ये टोमॅटोचा वापर बंद करण्यात आला आहे.
टोमॅटोच्या वाढलेल्या दरांमुळे मॅकडॉनल्डच्या बर्गरमधून टोमॅटो गायब झाल्याचे चित्र आहे. टोमॅटोचे वाढलेल्या दरांमुळे हा निर्णय घेतल्याचे कंपनीने सांगितले आहे.
जुलैच्या पहिल्या आठवड्यात टोमॅटोचे दर ५५ रुपये किलोवर पोहोचले होते, जे महिनाभरापूर्वी ३५ रुपये किलो होते.
कमी पुरवठा, वाढलेले दर आणि खराब दर्जामुळे उत्तर भारतातील काही स्टोर्समध्ये टोमॅटोचा वापर तात्पुरता बंद करण्यात आला आहे.
हिमाचल प्रदेशात झालेल्या मुसळधार पाऊस आणि पावसामुळे विस्कळीत झालेली वाहतूक व्यवस्था यामुळे टोमॅटोच्या दरात वाढ झाली आहे.