Anuradha Vipat
केसांच्या सर्व समस्यांवर आवळा, रिठा आणि शिकेकाई या तिघांच्या मिश्रणाचा घरगुती हर्बल शाम्पू किंवा हेअर पॅक हा आयुर्वेदिक उपाय मानला जातो.
केमिकलयुक्त शाम्पूऐवजी या नैसर्गिक घटकांचा वापर केल्यास केस मुळापासून मजबूत होतात.
व्हिटॅमिन-सी आणि अँटी-ऑक्सिडंट्सनी समृद्ध असल्याने केसांची मुळे मजबूत करतो, केस गळती थांबवतो आणि अकाली पांढरे होणारे केस काळे ठेवण्यास मदत करतो.
यामध्ये नैसर्गिक 'सॅपोनिन्स' असतात, जे केमिकलशिवाय नैसर्गिक फेस तयार करून टाळूवरील तेल, धूळ आणि घाण स्वच्छ करतात.
केसांना नैसर्गिक कंडिशनिंग देते, केसातील गुंता सोडवते, कोंडा कमी करते आणि केसांना चमकदार व मऊ बनवते.
साहित्य: १०० ग्रॅम सुका आवळा, १०० ग्रॅम रिठा आणि १०० ग्रॅम शिकेकाई .
कृती: आवळा, रिठा आणि शिकेकाई रात्रभर १ लिटर पाण्यात भिजत ठेवा. सकाळी हे सर्व मिश्रण त्याच पाण्यासह मंद आचेवर १५ ते २० मिनिटे पाणी अर्धे होईपर्यंत उकळा. मिश्रण पूर्णपणे थंड झाल्यावर हाताने चांगले कुस्करून घ्या आणि गाळणीने किंवा सुती कापडाने गाळून एका बाटलीत भरून ठेवा.
केस ओले करून हा तयार हर्बल शाम्पू टाळूवर व केसांवर लावा, ५ मिनिटे हलक्या हाताने मसाज करा आणि साध्या पाण्याने केस धुवा.