Mahesh Gaikwad
आयुर्वेदीक उपचार पध्दतीमध्ये ज्येष्ठमधाचा वापर औषध म्हणून केला जातो. आरोग्याच्यादृष्टीने ज्येष्ठमध अतिशय उपयोगी औषधी आहे.
ज्येष्ठमधामध्ये अनेक औषधी गुणधर्म असतात. त्यामुळे अनेक रोग आणि आजारांवर मात करण्यासाठी जेष्ठमध गुणकारी आहे.
शरीरात उष्णता वाढल्यामुळे बऱ्याचदा तोंड येण्याची (माऊथ अल्सर) समस्या उद्भवते. जेष्ठमधाची पावडर गायीच्या तुपात मिसळून लावल्यास तोंड येण्याच्या समस्येपासून आराम मिळतो.
पित्ताचा त्रास असणाऱ्यांनी जेष्ठमधाचे चूर्ण, मध, आवळा पावडर आणि तूप यांच्या मिश्रणाचे चाटण खाल्ल्यानंतर पित्ताचा त्रास कमी होण्यास मदत होते.
अतिसाराच्या समस्येवर जेष्ठमध, जायफळ, डाळिंबाच्या सालीची पावडर आणि खडीसाखर यांचा काढा करून प्यावा. यामुळे अतिसारापासून लगचे आराम मिळेल.
अनेकांना अचानक उचकी लागते. पाणी पिऊनही उचकी थांबत नसल्यास जेष्ठमधाच्या चूर्णामध्ये मध मिसळून त्याचे चाटण करावे. हे चाटल्यानंतर लगेच फरक दिसून येईल.
घशाची खवखव काही केल्या थांबत नसेल किंवा सतत घसा दुखत असेल, तर जेष्ठमध हा सर्वात चांगला उपाय आहे. जेष्ठमधाची पावडर, तूप आणि गूळ यांचे चाटण दिवसभरात २-३ वेळा चाटावे. घशाची खवखव थांबण्यास मदत होईल.
काहींना अंगावर पित्त उसळण्याचा त्रास होतो. यावर जेष्ठमध हा अत्यंत गुणकारी उपाय आहे. उगाळलेले जेष्ठमध दुधातून घेतल्यास लगेच फरक पडेल.