Anuradha Vipat
टोमॅटो हा केवळ स्वयंपाकघरातील महत्त्वाचा घटक नसून त्वचा उजळवण्यासाठी आणि निरोगी ठेवण्यासाठी एक उत्तम नैसर्गिक उपाय आहे.
टोमॅटोमध्ये अँटीऑक्सिडंट्स, व्हिटॅमिन सी आणि पोटॅशियम मुबलक प्रमाणात असतात, जे त्वचेच्या अनेक समस्या दूर करण्यास मदत करतात.
टोमॅटोमध्ये नैसर्गिक ब्लिचिंग गुणधर्म असतात. उन्हामुळे काळी पडलेली त्वचा स्वच्छ करण्यासाठी टोमॅटोचा रस चेहऱ्यावर लावणे अत्यंत फायदेशीर ठरते.
टोमॅटोमध्ये असलेल्या अम्लीय गुणधर्मांमुळे ते चेहऱ्यावरील अतिरिक्त तेल नियंत्रित करते. यामुळे पिंपल्स येणे कमी होते .
अनेक पुरुषांच्या आणि महिलांच्या चेहऱ्यावर मोठी छिद्रे असतात, ज्यात धूळ आणि घाण साचते. टोमॅटोचा रस चेहऱ्याला लावल्याने ही छिद्रे आकुंचन पावतात .
टोमॅटोमध्ये 'लायकोपीन' नावाचे शक्तिशाली अँटीऑक्सिडंट असते. हे त्वचेचे फ्री रॅडिकल्सपासून रक्षण करते.
टोमॅटोचा एक तुकडा कापून तो चेहऱ्यावर वर्तुळाकार ५ मिनिटे चोळा. १० मिनिटांनी चेहरा थंड पाण्याने धुवून घ्या.