Mahesh Gaikwad
गेल्या काही वर्षांमध्ये तापमानाचा पार सातत्याने वाढत आहे. अशा भीषण गरमीमध्ये शेतकऱ्यांना शेतामध्ये ट्रॅक्टर चालवणे म्हणजे महाकठीण काम आहे.
वरून आग ओकणारा सुर्य आणि ट्रॅक्टरच्या इंजिनाची उष्णता अशा भयंकर गरमीमध्ये शेतकरी शेतात राबत असतो.
भीषण गरमीमध्ये शेतकऱ्यांना शेतात काम करणे सुसह्य व्हावे, यासाठी आता वातानुकूलित ट्रॅक्टर बाजारात आले आहेत.
मोठ्या प्रमाणात शेती क्षेत्र असलेले सधन शेतकरी आता AC ट्रॅक्टर खरेदी करू लागले आहेत.
आज आम्ही तुम्हाला भारतात मिळणाऱ्या वातानुकूलित ट्रॅक्टरची माहिती आणि त्यांच्या किमतीबद्दल सांगणार आहोत.
महिंद्रा अर्जुन नोवो ६०५ डीआय-आय हा भारतीय बनावटीचा AC ट्रॅक्टर आहे. हा ५७ एचपी ट्रॅक्टर असून 2WD आणि 4WD या दोन प्रकारांमध्ये येतो.
भारतीय बाजारामध्ये याची किंमत ११ लाख ५० हजार ते १२ लाख २५ हजार रुपये (एक्स-शोरूम) इतकी आहे.
जॉन डियर ६१२०-बी हा सुध्दा एक AC केबिन असणारा ट्रॅक्टर आहे. हा ट्रॅक्टर १२० एचपी, ४ सिलेंडर इंजिनसह येतो.
या ट्रॅक्टरची एक्स-शोरूम किंमत ३४ लाख ४५ हजार ते ३५ लाख ९३ हजार रुपये इतकी आहे.