Aslam Abdul Shanedivan
निफाड येथे ड्रायपोर्टच्या उभारणीची मागणी सतत होत होती. ती आता पुर्णत्वाकडे जाणार आहे.
ड्रायपोर्टच्या उभारणीसाठी ‘निसाका’ची २५० एकरांपैकी १०८ एकर जागा ‘जेएनपीटी’ला हस्तांतरित करण्यात आली आहे. तसेच ‘जेएनपीटी’कडून १०५ कोटी रुपये अदा करण्यात आले आहेत.
ड्रायपोर्टच्या उभारणीसह येथील रेल्वे, रस्त्यांच्या कामासाठीही शेतकऱ्यांची साडेआठ एकर जागा खरेदी करण्यात येणार आहे.
निफाड साखर कारखान्याच्या जागेवर हा ड्रायपोर्ट उभारण्यात येणार आहे. त्यामुळे ड्रायपोर्ट उभारण्याचा मार्ग मोकळा झाला आहे.
रेल्वे, रस्त्यांच्या कामासाठीही लागणाऱ्या जमिनीची मोजणी अन् तेथील जमिनींचे दर मिळाले नसल्याची माहिती निफाडच्या प्रांताधिकारी हेमांगी पाटील यांनी दिली आहे.
जमिनींचे संपादन करताना बाजारभावाच्या पाचपट मोबदला शेतकऱ्यांना देण्यात येणार आहे. सद्यःस्थितीत ड्रायपोर्टसाठी सुमारे ५०० कोटींची तरतूद केली आहे.