Mahesh Gaikwad
नॉनव्हेज जेवणात गरम मसाल्यांचा मोठ्या प्रमाणावर वापर होतो. या मसाल्यांतील तमालपत्राशिवाय मांसाहारी जेवणाला चव येत नाही.
भारतात मोठ्या प्रमाणावर मसाला पिकांचे उत्पादन होते. यामध्ये देशातील ३ राज्ये अशी आहेत, जिथे ९९ टक्के तमालपत्राचे उत्पादन होते.
देशात तमालपत्राचे सर्वाधिक उत्पादन मेघालयमध्ये होते. एका वर्षात ४.२३ हजार टन तमालपत्र उत्पादित होते. जे देशातील एकूण उत्पादनाच्या ७०.२६ टक्के आहे.
तमालपत्राच्या उत्पादनात पश्चिम बंगालचा दुसरा क्रमांक लागतो. येथे एका वर्षात १.४९ हजार टन तमालपत्राचे उत्पादन होते. जे संपूर्ण उत्पादनाच्या २४.७५ टक्के आहे.
तर सर्वाधिक तमालपत्र उत्पादनाच्या बाबतीत उत्तराखंड राज्य तिसऱ्या स्थानी आहे. उत्तराखंडमध्ये ०.२२ हजार टन तमालपत्र उत्पादित होते. देशातील एकूण तमालपत्र उत्पादनात उत्तराखंडचा वाटा ३.६५ टक्के आहे.
महाराष्ट्रातही तमालपत्राचे उत्पादन होते. महाराष्ट्रात ०.०२ हजार टन तमालपत्राचे उत्पादन होते. जे एकूण उत्पादनाच्या ०.३३ टक्के इतके आहे.
महाराष्ट्रापाठोपाठ तमालपत्र उत्पादनात कर्नाटकचा पांचवा क्रमांक लागतो. कर्नाटकात एका वर्षांत ०.०१ हजार टन तमालपत्र उत्पादित होते. देशातील तमालपत्र उत्पादनात कर्नाटकचा वाटा ०.१७ टक्के इतका आहे.