Anuradha Vipat
कॅल्शियम आणि व्हिटॅमिन डी च्या कमतरतेमुळे आजकाल कमी वयातच हाडे कमकुवत होणे आणि सांधेदुखीचा त्रास सुरू होतो.
हाडांची घनता वाढवण्यासाठी आणि भविष्यातील हाडांचे आजार टाळण्यासाठी रोज सकाळी कोणत्या सोप्या सवयी अंगीकारल्या पाहिजेत, हे आपण या लेखात पाहणार आहोत.
हाडांच्या मजबुतीसाठी केवळ कॅल्शियम पुरसे नसते, तर ते कॅल्शियम शरीरात शोषून घेण्यासाठी व्हिटॅमिन डी ची अत्यंत आवश्यकता असते. रोज सकाळी सूर्योदयानंतरच्या कोवळ्या उन्हात किमान १० ते १५ मिनिटे बसा किंवा चाला.
सकाळी रिकाम्या पोटी उठल्यानंतर चहा-कॉफी घेण्याऐवजी हाडांना पोषण देणारे पदार्थ खावेत. आदल्या रात्री भिजवून ठेवलेले ४ ते ५ बदाम आणि २ अक्रोड रोज सकाळी खा.
नाश्त्यामध्ये एक ग्लास कोमट दूध, दही, पनीर किंवा नाचणीची भाकरी/दशमी यांचा समावेश करा. नाचणी हे कॅल्शियमचा सर्वात मोठा वनस्पतीजन्य स्त्रोत आहे.
हाडे सक्रिय ठेवल्याशिवाय ती मजबूत होऊ शकत नाहीत. सकाळी शरीराची हालचाल करणे हाडांच्या पेशींना मजबूत करते. रोज सकाळी २० ते ३० मिनिटे वेगाने चाला.
हाडांची लवचिकता वाढवण्यासाठी आणि सांध्यांमधील कडकपणा दूर करण्यासाठी सकाळी स्ट्रेचिंग करणे आवश्यक आहे.