Anuradha Vipat
दिवाळी हा केवळ रोषणाईचा आणि फराळाचा सण नसून, आपल्या आयुष्यात सकारात्मकता आणण्याची एक उत्तम संधी आहे.
सणाची धावपळ, खरेदी आणि पार्ट्यांच्या नादात अनेकदा आरोग्याकडे आणि मानसिक शांततेकडे दुर्लक्ष होते.
या दिवाळीत शारीरिक आणि मानसिक आरोग्य जपत सणाचा आनंद द्विगुणित करणाऱ्या चांगल्या सवयी खालीलप्रमाणे आहेत.
दिवाळीच्या दिवसांत रोज किमान २ ते ३ तास डिजिटल डिटॉक्स करा. या वेळेत कुटुंबासोबत एकत्र बसून फराळ करा, गप्पा मारा, बालपणीच्या आठवणींना उजाळा द्या.
फराळ खाताना 'माइंडफुल इटिंग' हा नियम पाळा. कोणतीही गोष्ट घाईघाईत खाण्याऐवजी तिचा स्वाद घेऊन, हळूहवार चावून खा.
यंदाच्या दिवाळीत 'शेअरिंग' सवय लावा. घरातील जुने पण चांगले कपडे, फटाक्यांऐवजी लहान मुलांसाठी पुस्तके किंवा फराळाचा काही भाग अनाथालय, वृद्धाश्रम किंवा रस्त्यावरील गरजू लोकांना नेऊन द्या.
स्थानिक कुंभाऱ्यांकडून मातीची पणती खरेदी करा. घरातील सजावटीसाठी प्लास्टिकच्या फुलांऐवजी झेंडूची नैसर्गिक फुले आणि आंब्याची पाने वापरा.