Team Agrowon
उत्तर भारतातील अनेक राज्यांमध्ये अनेक दिवसांपासून सुरू असलेल्या मुसळधार पावसामुळे देशाची राजधानी दिल्लीत पूरस्थिती निर्माण झाली आहे.
यमुना नदीच्या पाण्याची पातळी वाढल्याने सखल भागातील घरे पाण्यात बुडाली आहे.
हरियाणातून पाणी सोडण्यात आल्याने यमुना नदीचे पाणी रस्त्यावर आले आहे. रस्ते पाण्याखाली गेल्याने वाहतूक विस्कळीत झाली आहे.
निगम बोध घाट, बेला घाट, यमुना बाजार, गीता कॉलनी आदी भागातही यमुनेचे पाणी शिरले आहे. तेथून लोकांना बाहेर काढण्यात आले आहे.
दिल्ली सरकारने मदत आणि बचाव कार्यासाठी मोठ्या प्रमाणात मदत छावण्या उभारल्या आहेत.
ज्या भागात पाणी साचले आहे त्या भागातील सर्व सरकारी आणि खाजगी शाळा बंद करण्यात आल्या आहेत.
दिल्लीला पाणीपुरवठा करणारे तीन वॉटर प्लांट बंद करण्यात आले आहेत. त्यामुळे अनेक भागात पिण्याच्या पाणी कपात करावे लागले.