sandeep Shirguppe
मागच्या काही दिवसांपासून सोन्या चांदीच्या दरात कमालीची वाढ झाली आहे. दरम्यान सोन्याचा दर ७५ हजारांच्या घरात गेला तर चांदी ९५ हजारांवर पोहोचली आहे.
इराणच्या अध्यक्षांच्या मृत्यूमुळे मध्य-पूर्वी आशियामध्ये तणावाची स्थिती निर्माण झालीय याने सोने चांदीच्या दरात वाढ होत असल्याचे कारण समोर येत आहे.
तज्ज्ञांच्या दाव्यानुसार, जगात अनिश्चितता वाढली की सोन्याचे भाव वाढतात. कारण, गुंतवणूकदार सर्वात आधी सोन्याला पसंती देतात.
सोने आणि चांदीच्या किंमती वाढल्या आहेत, पण इंधानाच्या दरामध्ये देखील वाढ झाली आहे.
राजधानी दिल्लीमध्ये सोन्याच्या भाव ७४ हजार ४११ रुपये प्रति १० ग्रॅम आहे. चांदीचा भाव ९३ हजार २१५ रुपये किलो इतका आहे.
सोन्यातील किंमतीच्या वाढीमधील आणखी एक कारण म्हणजे अमेरिकेतील चलनवाढीमधील नरमाई असेही बोलले जात आहे.
अमेरिकेच्या फेडरल रिझर्व्ह बँकेने आपल्या व्याज दरात घट करण्याचे सूतोवाच केले आहेत.
अमेरिकेच्या फेडरल रिझर्व्ह बँकेने सप्टेंबरमध्ये दरात घट करण्याचे संकेत दिल्याने गुंतवणूकदारांनी सोन्यावर दाव खेळला आहे.