Millets Year 2023: भरडधान्य आहारात महत्त्वाची का आहेत?

 तृणधान्याच्या आहारातून पोषक सात्त्विकतेचा संदेश गावोगावी पोहोचावा या उद्देशाने तृणधान्य आहार चळवळीला बचत गटाच्या माध्यमातून व्यापक स्वरूप देता आले.

२०२३ हे वर्ष आंतरराष्ट्रीय ‘पौष्टिक तृणधान्य वर्ष’ (Millet Year) म्हणून साजरे करण्यात येत आहे.

त्या अनुषंगाने पौष्टिक तृणधान्य पिकाच्या उत्पादन वाढीबरोबरच नागरिकांच्या आहारामध्ये पौष्टिक तृणधान्याचे प्रमाण वाढविण्यासाठी पौष्टिक तृणधान्याच्या आरोग्यविषयक फायद्याबाबत व्यापक स्वरूपात जनजागृती करावी.

‘‘पौष्टिक तृणधान्य पिकातील पोषणमूल्य व त्यांचे मानवी आहारातील महत्त्व जनमानसाच्या लक्षात आणून देण्यासाठी पथनाट्य, चर्चासत्रे, व्याख्यानांचे आयोजन करावे. पौष्टिक तृणधान्यापासून तयार होणाऱ्या विविध पदार्थांच्या स्पर्धांचे आयोजन करावे."

"पौष्टिक तृणधान्य उत्पादन वाढीसाठी शेतकऱ्यांसाठी मार्गदर्शनपर विशेष कार्यक्रमांचे आयोजन करावे. तसेच यामध्ये विविध सामाजिक संस्थानांही सहभागी करून घ्यावे,’’ 

‘‘भारतीय खाद्य संस्कृतीमध्ये पौष्टिक तृणधान्य पिकांच्या सेवनाला विशेष महत्त्व आहे. ही बाब विचारात घेऊन ‘मिलेट ऑफ द मंथ’ (तृणधान्य विशेष महिना) ही संकल्पना अधिक प्रभावीपणे राबवावी,’’