Team Agrowon
सांगली जिल्ह्यातून द्राक्ष निर्यातीस गती आली आहे. आतापर्यंत ४ हजार ६०५ टन द्राक्षाची निर्यात झाली आहे.
मात्र या द्राक्षास गतवर्षीच्या तुलनेत पाच ते दहा रुपयांनी दर कमी आहेत.
सांगलीचे द्राक्ष देशांतर्गत बाजारपेठेसह आंतरराष्ट्रीय बाजारपेठेत द्राक्ष विक्रीला जातात.
गेल्यावर्षी जिल्ह्यातून ५ हजार ९४७ शेतकऱ्यांनी नोंदणी करून २ हजार ७६६ हेक्टरवरील द्राक्षांची १६ हजार ३५८ टन द्राक्षे निर्यात झाली होती.
गतवर्षी निर्यातक्षम द्राक्षाला प्रति किलोस ९० रुपये असा दर मिळाला होता.
हंगाम मध्यावर आल्यानंतर प्रति किलोस ८५ रुपये असा दर होता. हंगाम संपेपर्यंत द्राक्षाचा दर स्थिर राहिला.
वास्तविक पाहता, यंदाचा हंगाम उशिरा सुरू झाला. त्यातून द्राक्षाची निर्यात संथगतीने सुरू होती.
गेल्या पंधरा दिवसांपर्यंत दर स्थिर होते. मात्र, त्यानंतर दरात ५ ते १० रुपयांची घसरण झाली.