Team Agrowon
पावसाळ्यात फुलांचे गलिच्छा आणि निसर्ग सौंदर्याचा अद्भूत नजारा पाहण्‍यासाठी पर्यटकांची पाऊले कास पठाराच्या दिशेने वळू लागली आहेत.
साताऱ्यापासून २५ किमी अंतरावर कास पठार हे डोळ्याचे पारणे फेडणारे ठिकाण आहे. कोयना वन्यजीव अभयारण्याला लागून कास पठार आहे.
या पठारावर ऑगस्ट आणि सप्टेंबर महिन्यात आकर्षक फुले येतात. याला व्हॅली ऑफ फ्लॉवर्स असेही म्हणतात.
इथे फुलांच्या आठशेहून अधिक प्रजाती आढळतात. हे पठार तब्बल एक हजार हेक्टर क्षेत्रात पसरले आहे.
या ठिकाणाचे नैसर्गिक सौंदर्य आणि जैवविविधता लक्षात घेता, UNESCO ने २०१२ मध्ये याला जागतिक नैसर्गिक वारसा असलेलं स्थळ म्हणून घोषित केलं आहे.
इथं एक अतिशय सुंदर तलाव देखील आहे.या पठारावर आणि कास सरोवरात अशी अनेक झाडे आहेत, ती इतरत्र कुठेही आढळत नाहीत.
हंगामास अवधी असतानाही पर्यटक पठारावरील कुमुदिनी तलाव, कास दर्शन गॅलरी, नैसर्गिक दगडी कमान पाहण्‍यास जात आहेत.